Rydych chi newydd gael eich dethol i fod yn un o'r gofodwyr cyntaf i fynd i'r blaned Mawrth! Cyn ichi gyrraedd Mawrth, byddwch yn teithio mewn llong ofod am o leiaf dri mis. Pa newidiadau fydd rhaid ichi ymdopi â nhw wrth fyw yn y gofod? Sut bydd eich bywyd bob dydd yn wahanol?

Gadewch inni ddechrau drwy feddwl am beth sy'n digwydd o'ch cwmpas chi wrth i'ch llong ofod adael planed y Ddaear. Yn gyntaf oll, rhaid i'r llong ofod basio drwy haenau atmosffer y Ddaear cyn cyrraedd y gofod ei hun. Y 'troposffer' yw'r enw ar yr haen yn yr atmosffer sydd agosaf at y Ddaear, a'r enw ar yr haen nesaf wedyn yw'r 'stratosffer'.

Haen 1: TroposfferHaen 2: StratosfferHaen 3: Y Gofod

Haen 1: Troposffer

Ceisiwch ganfod yr atebion i'r cwestiynau canlynol cyn ichi glicio ar y botwm 'Dangos yr Ateb' – sawl ateb cywir gawsoch chi?

1

Beth yw canran yr ocsigen, y nitrogen a'r carbon deuocsid sydd yno?

20%, 80% a chanran fân iawn iawn, yn y drefn honno

Dangos yr Ateb

2

Beth yw'r tymheredd ar gyfartaledd?

tua 15°C

Dangos yr Ateb

3

Beth yw grym disgyrchiant?

10 m/s²

Dangos yr Ateb

Haen 2: Stratosffer

Ceisiwch ganfod yr ateb i'r cwestiwn canlynol cyn ichi glicio ar y botwm 'Dangos yr Ateb' – oeddech chi'n gywir?

1

Sut haen yw hon?

Mae canran y nwyon gwahanol yn gostwng wrth ichi fynd ymhellach o'r Ddaear, ac felly hefyd grym disgyrchiant. Yn yr haen hon y mae nwy osôn i'w gael. Yn yr haenau y tu allan i hon, mae'r tymheredd yn gostwng ac wedyn yn codi, ac yma hefyd mae ‘Goleuni'r Gogledd’

Dangos yr Ateb

Haen 3: Y Gofod

Ceisiwch ganfod yr atebion i'r cwestiynau canlynol cyn ichi glicio ar y botwm 'Dangos yr Ateb' – sawl ateb cywir gawsoch chi?

1

Beth yw canran yr ocsigen, y nitrogen a'r carbon deuocsid sydd yno?

0% o bob un!

Dangos yr Ateb

2

Beth yw'r tymheredd ar gyfartaledd?

newidiol iawn

Dangos yr Ateb

3

Beth yw grym disgyrchiant?

0 m/s² yn bell iawn o'r Ddaear neu unrhyw blaned arall

Dangos yr Ateb

Cliciwch y blwch hwn neu defnyddiwch y cod QR uchod i gael rhagor o wybodaeth am yr haen osôn

Rhagor am Oleuni'r Gogledd:

Beth yw goblygiadau'r wybodaeth yma i chi yn eich llong ofod?

Wrth ichi symud i ffwrdd o atmosffer y Ddaear ac i'r gofod ei hun, fydd dim aer gennych, ac felly dim ocsigen. Bydd grym disgyrchiant yn gostwng i sero. Weithiau bydd hi'n teimlo'n boeth iawn, ac weithiau'n oer iawn. Hefyd, byddwch yn agored i ymbelydredd cosmig (ar y Ddaear, rydyn ni'n cael ein diogelu rhag ymbelydredd cosmig fel arfer gan atmosffer a maes magnetig y Ddaear).