Gweithgaredd 2

Gweithgaredd Ymarferol Roced

Yn y gweithgaredd ymarferol hwn byddwch yn gwneud roced! Ar ben hynny, byddwch yn rhoi tanwydd yn y roced i'w weld yn codi! Cafodd y math yma o roced ei greu am y tro cyntaf gan bobl yn Tsieina tua mil o flynyddoedd yn ôl

Beth fydd ei angen? (Cyfarpar):

• Canister ffilm bach neu rywbeth tebyg.
• Tabled neu lond llwy de o ficarbonad sodiwm (carbonad hydrogen sodiwm).
• Dŵr, a phibed i fesur cyfaint.
• Sbectolau diogelwch.

Diogelwch:

Mae'r pwyntiau diogelwch yma yn sôn am y peryglon yn bennaf. Bydd angen ichi feddwl am y risg(iau) a allai godi, a sut i leihau'r risg gymaint ag y gallwch.

• Gofalwch eich bod yn gwisgo sbectol ddiogelwch drwy'r amser.
• Ar ôl ichi gwblhau'r dull (isod) dylech sefyll yn ddigon pell nôl.
• Gofalwch ddilyn cyfarwyddyd eich athro neu'ch athrawes.

Beth mae angen ei wneud? (Dull):

1. Rhowch y bicarbonad sodiwm yn y canister ffilm.
2. Defnyddiwch biped i ychwanegu tuag 1cm³ o ddŵr.
3. Cyn gynted ag y gallwch, ffitiwch y clawr neu'r caead ar y canister, a sicrhau ei fod wedi'i selio'n dynn.
4. Trowch y canister wyneb i waered a'i osod ar wyneb gwastad. Sefwch yn ôl!

Beth fyddwch chi'n ei weld? (Canlyniadau/Arsylwadau):

Nodwch yr hyn rydych chi wedi'i weld.

Beth ddigwyddodd, a pham? (Casgliad):

Allwch chi weithio allan beth ddigwyddodd?

Gall fod rhaid ichi chwilio i weld beth sy'n digwydd pan fydd dŵr yn adweithio gyda bicarbonad sodiwm