Weithiau, bydd angen ichi adael eich llong ofod, er enghraifft i wneud gwaith trwsio y tu allan.
NASA - Clymu Offer (2009) - Yn y gofod, rhaid clymu'r offer hyd yn oed. Mae gofodwyr bob amser yn sicrhau bod eu hoffer wedi'u clymu wrth eu siwtiau gofod i sicrhau na fyddan nhw'n diflannu i'r gofod.
Gweithgaredd Ymchwil
Mae NASA wedi gofyn ichi lunio diagram syml i ddangos siwt ofod i blant, ac i ddangos sut mae'n amddiffyn gofodwyr rhag y risg sy'n dod yn sgil ocsigen isel, disgyrchiant isel, a lefelau uchel tymheredd ac ymbelydredd cosmig. Dilynwch y ddolen gyswllt a darllenwch yr wybodaeth, wedyn lluniwch eich diagram a'i labelu: http://www.nasa.gov/audience/forstudents/5-8/features/nasa-knows/what-is-a-spacesuit-58.html
Drwy'r rhan fwyaf o'r daith byddech yn aros yn y llong ofod. Byddai digon o waith gennych i'w wneud, er enghraifft gwirio bod yr offer i gyd yn gweithio'n gywir, ond wrth gwrs fe fyddai angen ichi fwyta, cysgu ac ymarfer corff. Yn y gweithgaredd ymchwil sy'n dilyn, byddwch yn meddwl am sut ddiwrnod gewch chi bob dydd wrth ichi deithio i'r blaned Mawrth.
Gweithgaredd Ymchwil
Wrth ichi deithio tuag at y blaned Mawrth, rydych chi wedi bod yn cadw dyddiadur. Ysgrifennwch y cofnod ar gyfer un diwrnod penodol, gan esbonio popeth wnaethoch chi, a'r anawsterau a gawsoch. I'ch helpu, dilynwch y ddolen gyswllt a darllenwch yr wybodaeth: http://www.nasa.gov/audience/forstudents/k-4/home/F_Living_in_Space.html