Yn ogystal â thynnu lluniau, mae gan y cerbyd Curiosity offer sy'n gallu mesur y tymheredd, pwysedd yr atmosffer (sef 'gwthiad' yr atmosffer ar wrthrychau ar wyneb y blaned) a lleithder (faint o ddŵr sydd yn yr aer).
Gweithgaredd Dadansoddi Data
Mae'r tabl a ganlyn yn rhoi gwybodaeth am newidiadau yn y tymheredd yng Nghrater Gale dros gyfnod o ddwy flynedd, sy'n cyfateb i ychydig yn fwy na 1200 o ddyddiau Mawrth neu ‘sol’. Cafodd y tymhered ei fesur mewn unedau ˚C (graddau Celsius). Defnyddiwch yr wybodaeth i ateb y cwestiynau sy'n dilyn.
| Amser (Dyddiau) | Tymheredd (°C) |
|---|---|
| 0 | -10 |
| 200 | -5 |
| 400 | -22 |
| 600 | -30 |
| 800 | -9 |
| 1000 | -2 |
| 1200 | -25 |
0°C = 32°F
Cwestiynau
1
Beth oedd y tymheredd yng Nghrater Gale ar ddiwrnod 200?
°C
2
Oedd hi'n gynhesach ynteu'n oerach ar Ddiwrnod 400 na Diwrnod 200?
3
Faint yn oerach oedd hi ar Ddiwrnod 1200 na Diwrnod 1000?
° yn oerach
4
Ydy tymheredd Crater Gale yn yr haf ar y blaned Mawrth yn debyg i'r tymheredd yn yr haf yng Nghymru?
Ydy; mae'r haf yng Nghrater Gale tua'r un fath â'r tymheredd yn yr haf yng Nghymru.
Nac ydy; mae'r haf yng Nghrater Gale lawer yn fwy cynnes na'r haf yng Nghymru, pan fydd y tymheredd yn ystod y dydd tua + 20 ˚C ar gyfartaledd.
Nac ydy; mae'r haf yng Nghrater Gale lawer yn oerach na'r haf yng Nghymru, pan fydd y tymheredd yn ystod y dydd tua + 20 ˚C ar gyfartaledd.
5
Mae gwyddonydd wedi gofyn ichi am wybodaeth am y tymheredd yng Nghrater Gale ar Ddiwrnod 0 (pan ddechreuodd Curiosity ar y gwaith mesur). Ond, mae angen ichi roi'r tymheredd mewn unedau Fahrenheit, nid Celsius. Defnyddiwch y ‘thermomedr trosi' i ddarganfod yr ateb yn fras.
tua°F
6
O gofio'r amrediad tymheredd rydyn ni'n gallu ei weld yng Nghrater Gale, fyddai hi'n bosibl i bobl fyw yno?
Byddai, pe bai ganddyn nhw lety addas a/neu siwtiau gofod wedi'u hinswleiddio.
Byddai, yn yr un modd yn union ag ar y Ddaear.
Na fyddai, mae'n amhosibl!
7
Plotiwch graff i ddangos sut mae'r tymheredd uchaf yng Nghrater Gale yn newid dros amser dros 1200 o ddyddiau Mawrth.
