Ffermwr: Dydw i ddim o blaid y cynnig oherwydd bydd y maes pebyll wedi ei leoli nesaf at fy nghaeau i ger yr afon. Mae'r gwartheg yn y caeau yn ystod misoedd yr haf. Mae digon o feysydd pebyll o gwmpas ac yn y pentref yn barod.

Canŵydd: Mae hwn yn gynnig ardderchog. Mae'n anodd cyrraedd yr afon o'r meysydd pebyll eraill. Weithiau mae'n rhaid i mi gario'r canŵ am gryn bellter o'r maes parcio i'r afon.

Pysgotwr: Dydw i ddim o blaid y cynnig oherwydd bydd y maes pebyll wedi ei leoli yn rhy agos at yr afon. Mae'r caeau hyn wedi bod o dan ddŵr yn y gorffennol. Bydd y maes pebyll yn cynyddu sŵn ac o bosib yn llygru'r afon a bydd hyn yn cael effaith ar y bywyd gwyllt, yn arbennig ar y pysgod.

Person sy'n byw yn lleol: Mae digon o dwristiaid yn ymweld â'r pentref. Does dim angen maes pebyll arall. Mae'r llwybrau troed ger yr afon eisoes dan eu sang yn ystod y tymor gwyliau. Weithiau mae twristiaid yn taflu sbwriel ar y llwybrau hyn ac i'r afon.

Cerddwr brwd: Cerddwr brwd: Bydd y maes pebyll yn denu ymwelwyr oherwydd ei fod ger yr afon a bydd y llwybrau troed/llwybrau yn hygyrch iawn i gerddwyr. Bydd hefyd yn cynyddu ecodwristiaeth oherwydd bydd y twristiaid yn gallu gadael eu ceir ar y maes pebyll.

Landlord tafarn: Mae angen maes pebyll arall yn y pentref. Mae'r twristiaid yn cwyno bob blwyddyn bod yn rhaid iddyn nhw wersylla milltiroedd/km lawer o'r pentref oherwydd bod y meysydd pebyll presennol yn llawn. Bydd maes pebyll newydd yn denu mwy o dwristiaid i'r pentref.