add new note

Ychwanegu nodiadau: Gwasgwch y botwm gwyrdd i ychwanegu nodyn newydd, ac yna teipio nodiadau ynddo. Gallwch wneud cymaint o nodiadau ag sydd eu hangen arnoch! I ddileu nodyn, cliciwch ar y botwm (x) ar y nodyn. Bydd eich nodiadau yn cael eu cadw pan fyddwch yn adnewyddu'r dudalen, ond os byddwch chi'n cau'ch porwr neu'n defnyddio cyfrifiadur gwahanol, byddwch yn colli’r nodiadau! Gwasgwch y botwm glas, uchod, i gadw ffeil testun o'ch nodiadau. Pan fyddwch chi wedi gorffen, pwyswch y botwm oren i leihau'r nodiadau.

Gweithgareddau

Rhaid i unrhyw un sy’n mynd ar wifren wib ddilyn rheolau arbennig (e.e. beth i’w wisgo, sut i wibio).

Beth yw’r rheolau yma, tybed?

Chwiliwch am gliwiau yn y llun.

Gwnewch boster i ddangos beth ddylai pobl wisgo pan fyddan nhw’n mynd ar wifren wib uchel iawn fel yr un yn y llun. Yn ogystal â’r dillad, meddyliwch am bethau fel:

gemwaith - beth ddylai pobl wneud?

gwallt hir - beth ddylai pobl wneud?

Defnyddiwch y radd eithaf i lenwi’r bylchau yma, e.e.

hir	Dyma’r wifren wib hiraf yn Ewrop.
cyffrous	Ces i’r diwrnod mwyaf cyffrous erioed ddydd Sadwrn. Es i ar y wifren wib.

Ysgrifennwch y geiriau yn y golofn chwith yn gywir yn y bylchau yn y golofn dde.

uchel	Yr Wyddfa yw’r mynydd yng Nghymru.
hardd	Eryri yw’r lle yng Nghymru.
anturus	Fel arfer, Dad yw’r person yn fy nheulu.
ofnus	Dad oedd y person ar y wifren wib.
hyderus	Fi oedd yr un i fynd ar y wifren wib.
diddorol	Mynd ar y wifren wib oedd profiad fy mywyd.
balch	Fi oedd y person ar y ffordd adref – roeddwn i wedi gwibio fel mellten!
hapus	Dad oedd y person ar y ffordd adref – roedd e wrth ei fodd.
da	Dyna ddiwrnod fy mywyd!